ვახტანგ ფირცხელავას სახელობის დაბა ჩხოროწყუს N2 საჯარო სკოლაში განსაკუთრებული ყურადღება ექცევა მოსწავლეებში ჯანსაღი ცხოვრების წესის პოპულარიზაციას. სკოლის დირექციისა და პედაგოგთა ინიციატივით ხშირად ტარდება სპორტული აქტივობები. გარდა შიდა სასკოლო ტურნირებისა, მოსწავლეები მონაწილობას იღებენ რეგიონულ სპორტულ ღონისძიებებშიც და ხშირად წარმატებასაც აღწევენ.

წარმატებული აღმოჩნდა ჩხოროწყუს N2 საჯარო სკოლის გოგონათა გუნდის აქტივობა სამეგრელო-ზემო სვანეთის რეგიონალურ სასკოლო სპორტულ ოლიმპიადაში, რომელიც ბადმინტონში გაიმართა და რომელსაც ზუგდისის რეგიონი მასპინძლობდა. 

ვახტანგ ფირცხელავას სახელობის ქალაქ ჩხოროწყუს N2 საჯარო სკოლის გოგონათა გუნდმა ბადმინტონის შეჯიბრებაზე, საპრიზო ადგილი დაიკავა.

სკოლა ულოცავს მოსწავლეებს ამ მიღწევას და ცხოვრების გზაზე, უფრო დიდი წარმატებებს უსურვებს.