ოტია იოსელიანის სახელობის წყალტუბოს N1 საჯარო სკოლის მოსწავლეებისთვის კომპლექსურ დავალებებზე მუშაობა, არა მხოლოდ შემეცნებითი, არამედ საინტერესო და სახალისო პროცესია, რომელშიც დიდი სიამოვნებით ერთვებიან.
ამჯერად, Vბ კლასში ჩატარდა კომპლექსური დავალების - „მუსიკა და თანამედროვე ტექნოლოგიები“, პრეზენტაცია.
მოსწავლეებმა, ხმოვანი სიგნალებითა და ხატულებით გააფორმეს ტომისა და ბეკის დიალოგი მარკ ტვენის ნაწარმოებიდან - „ტომ სოიერის თავგადასავალი“.
მოზარდებმა ისაუბრეს იმაზე თუ როგორ შეიძლება მუსიკით გამოვხატოთ და ხატულებით გადმოვცეთ ემოცია. მოსწავლეებმა დავალებას შესანიშნავად გაართვეს თავი და ძალიან საინტერესო პრეზენტაციები წარმოადგინეს.
აღსანიშნავია, რომ კლასის დამრიგებელი თამილა თუთბერიძე გახლავთ.
სკოლაში, მოსწავლეებს წარმატებასა და წინსვლას უსურვებენ.
იხილეთ ფოტოები:
