სწავლა-სწავლების ხარისხის ამაღლების მიზნით, ტყიბულის N6 საჯარო სკოლის VIII ა კლასში (დამრიგებელი-ცირა კუბლაშვილი) ხშირად ტარდება ინტელექტუალური კონკურსები, რაც ხელს უწყობს წიგნიერების დონის ამაღლებას, ანალიტიკური და შემოქმედებითი უნარების განვითარებას.

VIII^ა კლასის მოსწავლეებმა: ალექსი ტყემალაძემ, მარიამ გაბრიაძემ, ელენე ქარქაშაძემ, ელენე ჩაფიძემ, თამარ ყიფიანმა და ბადრი ხუნდაძემ ამ მიზნით მონაწილეობა მიიღეს ქალაქ ქუთაისში გამართულ ინტელექტუალურ კონკურსში - „ინტელექტიადა“. ღონისძიებაში სულ მონაწილეობდა 26 გუნდი, თამაში მეტად საინტერესო და დაძაბული იყო.

როგორც სკოლაში გვიყვებიან, კონკურსზე სკოლის მოსწავლეებმა გარკვეულ წარმატებას მიაღწიეს და დაჯილდოვდნენ სერტიფიკატებითა და ვაუჩერებით.

„ნოვატორთა აუდიტორია“ და N6 საჯარო სკოლის დირექცია ულოცავს VIII^ა კლასის მოსწავლეებს ამ ღირსეულ წარმატებას.

აღსანიშნავია, რომ ტყიბულის N6 საჯარო სკოლაში მოსწავლეთა არაფორმალური განათლების პროექტებში ჩართულობა წახალისებულია. 

იხილეთ ფოტოები: