სამტრედიის მუნიციპალიტეტის სოფელ გომის საჯარო სკოლაში სასწავლო პროცესი საინტერესოდ მიმდინარეობს. 

სკოლაში გაზაფხულის შემობრძანება და დედის დღე გრანდიოზულად აღინიშნა. ხელოვნების, მუსიკისა და სპორტის მასწავლებლების ერთობლივი ძალისხმევით მრავალფეროვანი ღონისძიება გაიმართა, რომლის მიმდინარეობაშიც ყველა მონდომებით ჩაერთო.

მასში დაწყებითი, საბაზო და საშუალო საფეხურის მოსწავლეები, მშობლები და მასწავლებლები მონაწილეობდნენ. როგორც სკოლაში გვიყვებიან, ღონისძიება სხვადასხვა საინტერესო და სახალისო აქტივობით იყო დატვირთული.