ხელვაჩაურის მუნიციპალიტეტის სოფელ ხელვაჩაურის N1 საჯარო სკოლაში მოსწავლეთა წიგნიერების დონის ამაღლებაზე აქტიურად ზრუნავენ და ლიტერატურის სიყვარულს შთააგონებენ.
სკოლაში წარმატებით მუშაობს ლიტერატურული კლუბი, რომლის წევრებიც საინტერესო სამუშაო შეხვედრებს ატარებენ.
8 თებერვალს, ლიტერატურული კლუბის ფარგლებში გაიმართა საინფორმაციო შეხვედრა ივანე მაჩაბლის დაბადების დღესთან დაკავშირებით.
მოსწავლეები გაეცნენ პოეტის ბიოგრაფიასა და მსოფლმხედველობას, ისაუბრეს ივანე მაჩაბლის დამსახურებებსა და მიღწევებზე.
„ივანე მაჩაბელი – მწერალი, მთარგმნელი, პუბლიცისტი. საზოგადო მოღვაწე; ქართველ „სამოციანელთა“ წარმომადგენელი, ეროვნულ-განმათავისუფლებელი მოძრაობის აქტიური მონაწილე და ახალი ქართული სალიტერატურო ენის ერთ-ერთი ფუძემდებელი“,- აღნიშნეს მოსწავლეებმა და ივანე მაჩაბლის ღვაწლს კიდევ ერთხელ გაუსვეს ხაზი.
იხილეთ ფოტოები:
