მარტვილის მუნიციპალიტეტის სოფელ დიდი ჭყონის N1 საჯარო სკოლის დირექცია და პედაგოგები როგორც მოსწავლეთა საგნობრივი ცოდნის, ისე მათი ინტელექტუალური და ანალიტიკური უნარების განვითარებაზე ზრუნავენ. შესაბამისად, სკოლაში, ამ მიმართულებით არაერთი ღონისძიება იმართება.
ახლახან, მე-7 კლასში ჩატარდა ინტელექტუალური თამაში, რომელსაც ვიქტორინის ფორმა ჰქონდა.
ყველა საგანში წარმოდგენილი იყო თითო შეკითხვა.
თამაში საინტერესოდ, მოსწავლეთა აქტიური ჩართულობით წარიმართა.
პირველი ადგილი წილად ხვდა ნინო აშორტიას, მეორე ადგილი - თანაბარი ქულებით გიორგი გოგიასა და იოანე ჯიჯელავას. ხოლო მესამე ადგილი მარიამ ქობალიამ დაიკავა.
მოსწავლეებს გადაეცათ სიგელები.
ღონისძიებას უძღვებოდნენ - ნანი წულაია, ია კალანდია და მაია გოგია.
როგორც სკოლაში გვეუბნებიან, ღონისძიების მიზანი იყო აკადემიური მოსწრების გაუმჯობესებით მოსწავლეთა მოტივირება.
იხილეთ ფოტოები:
