ხულოს მუნიციპალიტეტის სოფელ ფაჩხის საჯარო სკოლაში მეტად საინტერესო და მრავალფეროვანი სასწავლო პროცესი მიმდინარეობს. იმართება როგორც სასწავლო-შემეცნებითი, ისე საზეიმო-გასართობი ღონისძიებები, რაც როგორც მოსწავლეთა ცოდნის, ისე მათი ნიჭისა და უნარების წარმოჩენა-განვითარებას ემსახურება.

ახლახან, ფაჩხის საჯარო სკოლაში ჩატარდა დედისა და ქალთა დღეებისადმი მიძღვნილი ღონისძიება. 

მოსწავლეები დამსწრე საზოგადოების წინაშე მრავალფეროვანი საზეიმო პროგრამით წარდგნენ - მხატვრულად წაიკითხეს ლექსები, შეასრულეს მუსიკალური, საცეკვაო და იუმორისტული ნომრები.

მოსწავლეებმა დედებსა და მასწავლებლებს დაუვიწყარი წუთები და ემოციები აჩუქეს. 

იხილეთ ფოტოები: