კორბოულის N1 საჯარო სკოლის V კლასის მოსწავლეთა ინგლისური ენის მიზნობრივი აქტივობებით გაჯერებული გაკვეთილი
ქრისტინე ხარშილაძის სახელობის საჩხერის მუნიციპალიტეტის სოფელ კორბოულის N1 საჯარო სკოლის პედაგოგები მოსწავლეებს მეტად საინტერესო და მრავალფეროვან სასწავლო პროცესს სთავაზობენ, რაც მოწაფერთა მოტივაციაზე აისახება.
25 მარტს, V კლასში ჩატარდა ღია გაკვეთილი თემაზე - My Favourite Animal. გაკვეთილი მოსწავლეთა მაღალი ჩართულობით წარიმართა და გაჯერებული იყო მიზნობრივი აქტივობებით.
როგორც სკოლაში გვეუბნებიან, გაკვეთილის მთავარი მიზანი იყო მოსწავლეებს განევითარებინათ ჯგუფური მუშაობის უნარ-ჩვევები, წინარე ცოდნაზე დაფუძნებით, ახალი ინფორმაცია დაშენებინათ და ზეპირსიტყვიერად გადმოეცათ.
როგორც სკოლაში აღნიშნავენ:
- გაკვეთილი ჩატარდა გეგმის შესაბამისად და მასწავლებელმა მიაღწია დასახულ მიზანს;
- გაკვეთილი ინგლისურ ენაზე წარიმართა და არ იყო საჭირო ინსტრუქციების მიცემა ქართულად. ( მხოლოდ ახსნის დროს, რათა მთელი კლასისთვის და კათედრის წევრებისთვის ერთ დონეზე გასაგები ყოფილიყო დასმული კითხვები);
- მოსწავლეებმა სწორად შეასრულეს დავალებები როგორც ძველი, ასევე ახალი მასალიდან;
- მოსწავლეებმა ძალიან კარგად გაართვეს თავი ჯგუფურ მუშაობას;
- საგაკვეთილო პროცესში ყველა მოსწავლე იყო ჩართული შესაძლებლობების მიხედვით.
მსგავსი ტიპის გაკვეთილები მოსწავლეთა მრავალმხივ განვითარებას ემსახურება, რაზეც კორბოულის N1 საჯარო სკოლის
პედაგოგები აქტიურად ზრუნავენ.
იხილეთ ფოტოები: