ნინოწმინდის მუნიციპალიტეტის სოფელ გორელოვკის N3 საჯარო სკოლა დაუნის სინდრომის შესახებ ცნობიერების ამაღლების მსოფლიო კამპანიას შეუერთდა.
დაუნის სინდრომის საერთაშორისო დღესთან დაკავშირებით, დაწყებითი კლასების მოსწავლეებმა შექმნეს პლაკატები და სახე
სიმბოლურად მოიხატეს.
მოსწავლეები ამ დღის არსსა და მნიშვნელობას გაეცნენ, მოიძიეს ინფორმაცია, მისი დაარსების ისტორიის შესახებ და თავიანთი მოსაზრებები ერთმანეთს გაუზიარეს.
როგორც სკოლაში გვიყვებიან, სპეციალურმა მასწავლებელმა ლამაზი პლაკატით აამაღლა მოსწავლეთა ცნობიერება.
21 მარტი დაუნის სინდრომის მსოფლიო დღედ, გაერთიანებული ერების ორგანიზაციის ეგიდით 2011 წლის 10 ნოემბერს დაწესდა. მსოფლიოს მრავალ ქვეყანაში ამ დღეს, დაუნის სინდრომის შესახებ ცნობადობის ამაღლების მიზნით სხვადასხვა ღონისძიება იმართება. ღონისძიების მიზანია დაუნის სინდრომის მქონე ადამიანთა ღირსებისა და უფლებების დაცვა და კეთილდღეობის უზრუნველყოფა.
იხილეთ ფოტოები:
