სამტრედიის მუნიციპალიტეტის სოფელ მელაურის საჯარო სკოლაში მოსწავლეთა პატრიოტული სულისკვეთების ამაღლებას მნიშვნელოვანი ყურადღება ექცევა. ამ მიმართულებით კი არაერთი ღონისძიება იმართება. 

მათ შორის, საბჭოთა ოკუპაციის დღესთან დაკავშირებით, IX კლასში ისტორიის მასწავლებლის - ლელა ხარებავას ხელმძღვანელობით მოეწყო „ოკუპაციის კვირეული“. 

კვირეული მრავალფეროვან აქტივობებს მოიცავდა. მოსწავლეებმა გაიხსენეს ოკუპაციის დროს სამშობლოს თავისუფლებას შეწირული გმირი ქართველები, პატივი მიაგეს ქართველი მეჭურჭლეთუხუცესის - ექვთიმე თაყაიშვილისა და ემიგრაციაში მცხოვრები სხვა გულანთებული მამულიშვილების ხსოვნას. კვირეული დასრულდა ფილმის - „საქართველოს მეჭურჭლეთუხუცესი“ ჩვენებით. 

იხილეთ ფოტოები: