ოტია იოსელიანის სახელობის ქალაქ წყალტუბოს N1 საჯარო სკოლაში დაუნის სინდრომის მსოფლიო დღე არაერთი საგანმანათლებლო ღონისძიებით აღინიშნა.
დაუნის სინდრომის შესახებ ცნობიერების ამაღლებისკენ მიმართულ მსოფლიო კამპანიას IVა კლასიც შეუერთდა.
კლასში ჩატარდა კლასის საათი თემაზე - „ჩვენ არ ვითვლით ქრომოსომებს“.
მოსწავლეებმა დაუნის სინდრომის შესახებ გავრცელებული მითები დაამსხვრიეს, ჭრელი წინდების კაპანიაში ჩაერთნენ და დაუნის სინდრომის მქონე ადამიანების მიმართ სოლიდარობა გამოხატეს.
21 მარტი დაუნის სინდრომის მსოფლიო დღედ, გაერთიანებული ერების ორგანიზაციის ეგიდით 2011 წლის 10 ნოემბერს დაწესდა. მსოფლიოს მრავალ ქვეყანაში ამ დღეს, დაუნის სინდრომის შესახებ ცნობადობის ამაღლების მიზნით სხვადასხვა ღონისძიება იმართება. ღონისძიების მიზანია დაუნის სინდრომის მქონე ადამიანთა ღირსებისა და უფლებების დაცვა და კეთილდღეობის უზრუნველყოფა.
იხილეთ ფოტოები:
