„გილოცავთ, ჩემპიონო!“ - ლატალის საჯარო სკოლაში მოსწავლის - იესავ აბდელანის მორიგ სპორტულ წარმატებას აღნიშნავენ
26-03-2024
მესტიის მუნიციპალიტეტის სოფელ ლატალის საჯარო სკოლაში არაერთი წარმატებული მოსწავლე სწავლობს, რომელთა წინსვლას დირექცია საზოგადოებას დიდი სიხარულით უზიარებს.
ამჯერად სკოლაში, იესავ აბდელანის მორიგ სპორტულ წარმატებას აღნიშნავენ.
საქართველოს ძიუდოს ფედერაციის ახალი პროექტის - „მილიონი ლარი პირად მწვრთნელებს“ ფარგლებში მიმდინარე შეჯიბრებები გრძელდება. პირველი სარეიტინგო ტურნირის ჩემპიონ-პრიზიორები 2012-2013 წლებში დაბადებულ ძიუდოისტებს შორის უკვე გამოვლინდა.
30 კგ წონით კატეგორიაში ისაევ აბდელანი დაწინაურდა და ჩემპიონის სტატუსი მოიპოვა.
„გილოცავთ, ჩემპიონოო!“- ამ სიტყვებით მიმართავენ სკოლაში მოსწავლეს და მას გულმხურვალედ გულშემატკივრობენ.
იხილეთ ფოტოები:
სკოლების სიახლეები
