
წყალტუბოს მუნიციპალიტეტის სოფელ სორმონის საჯარო სკოლაში სასწავლო წლის განმავლობაში არაერთი საინტერესო და მრავალფეროვანი აქტივობა იმართება.
ამჯერად, სკოლაში π რიცხვის საერთაშორისო დღე საინტერესოდ აღინიშნა. ამ დღისადმი მიძღვნილ აქტივობებში V-IX კლასების მოსწავლეები აქტიურად იყვნენ ჩართულნი.
ბავშვებმა რიცხვის შესახებ საინტერესო ინფორმაციები მოიძიეს და ერთმანეთს გაუზიარეს.
„პატარებმა π რიცხვს მიუძღვნეს სიმღერები და ლექსები. მოსწავლეებმა და პედაგოგებმა პრაქტიკული სამუშაოც წარმატებით შეასრულეს“, - აღნიშნავენ სკოლაში.
აქტივობები მოსწავლეთათვის საინტერესო და სახალისო იყო.
„განხორციელებულმა პროექტმა კიდევ ერთხელ დაგვანახა მათემატიკის სილამაზე“, - გვეუბნებიან სკოლაში.
სკოლაში მათემატიკის პედაგოგებს და მოსწავლეებს წარმატებებს უსურვებენ.
14 მარტი π რიცხვის საერთაშორისო დღეა. ეს დღესასწაული ამერიკელმა ფიზიკოსმა ლარი შოუმ შემოიღო 1987 წელს.
იხილეთ ფოტო-ვიდეომასალა: