საქართველოს საპატრიარქოს წმიდა თამარ მეფის სახელობის გიმნაზიაში არაფორმალური განათლების პროექტებში მოსწავლეთა ჩართულობა წახალისებულია. შესაბამისად, მოსწავლეები აქტიურად მონაწილეობენ სხვადასხვა კონკურსსა და საგანმანათლებლო ღონისძიებაში, სადაც წარმატებას აღწევენ.
ახლახან, გიმნაზიის დაწყებითი კლასის მოსწავლეები „ევერესტის“ მათემატიკის ოლიმპიადის ოქროს ტურში წარმატებით მონაწილეობისთვის დაჯილდოვდნენ. მოსწავლეებს სიგელები და ფასიანი საჩუქრები გადაეცათ.
IVა კლასი მოსწავლე ლუკა თურაზაშვილი (დამრიგებელი თინათინ ბლიაძე) ვერცხლის სიგელით დაჯილდოვდა. ასევე ოქროს ტურში წარმატებით მონაწილეობისთვის სერტიფიკატი გადაეცა გიორგი შერმადინს.
სერტიფიკატი ასევე, IVბ კლასის მოსწავლე მეჰრბოდ ნოროუზის (დამრიგებელი ქეთევან მოსულიშვილი) მიენიჭა.
გიმნაზიის რექტორმა, დეკანოზმა - მირიან სამხარაძემ დალოცა გიმნაზიის მოსწავლეები და უსურვა მათ ულევი წარმატება ცხოვრებაში.
იხილეთ ფოტოები:
