წყალტუბოს მუნიციპალიტეტის სოფელ გეგუთის N2 საჯარო სკოლაში მოსწავლეთა შემოქმედებითი უნარების წარმოჩენა-განვითარებას მნიშვნელოვანი ყურადღება ექცევა. სწორედ ამიტომ, სკოლაში პედაგოგთა ხელმძღვანელობითა და მოსწავლეთა აქტიური ჩართულობით საინტერესო, მრავალფეროვანი აქტივობები იმართება.
ამჯერად, სკოლაში, გაზაფხულის დღესასწაულებს შემოქმედებითი სახის ღონისძიება მიეძღვნა.
აღნიშნული ღონისძიებებით მოსწავლეებმა დამსწრე საზოგადოებას დედის და ქალთა საერთაშორისო დღე მიულოცეს. ზეიმზე მათ იმღერეს, ლექსები წაიკითხეს, იცეკვეს და შემოქმედებითი შესაძლებლობები შესანიშნავად წარმოაჩინეს.
აქტივობებში მოსწავლეები დიდი ენთუზიაზმით, ხალისითა და მონდომებით მონაწილეობდნენ.
აღსანიშნავია, რომ მსგავსი აქტივობები მოსწავლეთა მოტივაციისა და განწყობის ამაღლებას ხელს უწყობს.
იხილეთ ფოტოები:
