ადიგენის მუნიციპალიტეტის სოფელ ხევაშენის საჯარო სკოლაში სასწავლო წლის განმავლობაში არაერთი საინტერესო ღონისძიება და აქტივობა იმართება.
ამჯერად, სკოლაში, ფიზიკა-მათემატიკის მასწავლებლის - მაკა ჩალიგავას ორგანიზებით π რიცხვის საერთაშორისო დღე აღინიშნა.
ამ დღისადმი მიძღვნილ ღონისძიებაში, რომელიც მრავალფეროვანი სახალისო მათემატიკური აქტივობებს მოიცავდა, დიდი მონდომებით იყო ჩართული მთელი სასკოლო საზოგადოება.
ღონისძიება ხალისიანად წარიმართა, სადაც მოსწავლეები და კლასის დამრიგებლები გუნდურად ასრულებდნენ სახალისო აქტივობებს. ბოლოს ბავშვებმა და მასწავლებლებმა გაკეთეს π რიცხვის შემადგენელი რიცხვების ცოცხალი ჯაჭვი.
როგორც სკოლაში გვიყვებიან, ღონისძიების მიზანი იყო π რიცხვთან დაკავშირებით ცნობიერების ამაღლება მოსწავლეებში.
14 მარტი π რიცხვის საერთაშორისო დღეა. ეს დღესასწაული ამერიკელმა ფიზიკოსმა ლარი შოუმ შემოიღო 1987 წელს.
იხილეთ ფოტოები:
