
გარდაბნის მუნიციპალიტეტის, საცხენისის საჯარო სკოლაში მნიშვნელოვანი ყურადღება ეთმობა, მოსწავლეებმა მიიღონ საგნობრივი ცოდნა და იმავდროულად, სხვადასხვა მიმართულებითაც განვითარდნენ, ჩაერთონ გარემოსდაცვით თუ სხვა თემატურ პროექტებში, გაიფართოვონ თვალსაწიერი.
ამჯერად, საცხენისის საჯარო სკოლა წყლის რესურსების დაცვის საერთაშორისო დღეს შემეცნებითი აქტივობით გამოეხმაურა.
მე-4 კლასის მოსწავლეებმა, დამრიგებლის, მზია ცერცვაძის ხელმძღვანელობით საინფორმაციო შეხვედრა ჩაატარეს.
მოიძიეს საინტერესო ფაქტები გარემოსდაცვითი მიმართულებით არსებულ პრობლემებთან დაკავშირებით, დამსწრე საზოგადოების ყურადღება გაამახვილეს წყლის რესურსების მნიშვნელობაზე და კიდევ ერთხელ, ხაზგასმით აღნიშნეს, რომ დედაბუნებას გაფრთხილება სჭირდება.