ხელვაჩაურის მუნიციპალიტეტის სოფელ ახალსოფლის საჯარო სკოლაში დაუნის სინდრომის მსოფლიო დღე აღინიშნა.
სინდრომის შესახებ საზოგადოების ცნობიერების ამაღლებისკენ მიმართულ მსოფლიო ღონისძიებას მოსწავლე-მასწავლებლები აქტიურად შეუერთდნენ.
ღონისძიების მიზანი იყო მოსწავლეებისთვის დაუნის სინდრომის შესახებ ინფორმაციის მიწოდება და სტერეოტიპების დამსხვრევა. მოეწყო შემეცნებითი საუბრები.
მოსწავლე-მასწავლებლებმა სკოლის ეზოში ფლეშმობი მოაწყვეს და ერთხმად აღნიშნეს, რომ მეგობრები ქრომოსომებს არ ითვლიან და აღნიშნული ლოზუნგით პლაკატები დაამზადეს.
21 მარტი დაუნის სინდრომის მსოფლიო დღედ, გაერთიანებული ერების ორგანიზაციის ეგიდით 2011 წლის 10 ნოემბერს დაწესდა. მსოფლიოს მრავალ ქვეყანაში ამ დღეს, დაუნის სინდრომის შესახებ ცნობადობის ამაღლების მიზნით სხვადასხვა ღონისძიება იმართება. ღონისძიების მიზანია დაუნის სინდრომის მქონე ადამიანთა ღირსებისა და უფლებების დაცვა და კეთილდღეობის უზრუნველყოფა.
იხილეთ ფოტოები:
