ივანდიდის საჯარო სკოლაში მნიშვნელოვან თარიღებს საინტერესო საგანმანათლებლო აქტივობები მიეძღვნა
22-03-2024
გალაკტიონ ტაბიძის სახელობის ხონის მუნიციპალიტეტის სოფელ ივანდიდის საჯარო სკოლაში სასწავლო პროცესი მრავალფეროვანი აქტივობებითაა გაჯერებული.
21 მარტს არაერთი მნიშვნელოვანი თარიღი აღინიშნება, ესენია - ტყის საერთაშორისო დღე, ქართული ჟურნალისტიკის დღე, დაუნის სინდრომის მსოფლიო დღე და მესაზღვრის დღე. ამასთან დაკავშირებით, მოსწავლეებმა სხვადასხვა აქტივობა განახორციელეს.
დაწყებითი კლასების მოსწავლეებმა უყურეს ფილმს - „ადამიანი, რომელიც ხეებს რგავდა“, გარდა ამისა, თემატური ნახატები და პოსტერები მოამზადეს.
საბაზო და საშუალო საფეხურის მოსწავლეებმა კი, აღნიშნულ დღეებთან დაკავშირებით, პრეზენტაციები გამართეს და სასკოლო საზოგადოების სხვა წარმომადგენლებს წარუდგინეს.
იხილეთ ფოტოები:
სკოლების სიახლეები
