ჭიათურის N2 სკოლის მოსწავლე ლუკა მიქაუტიძე ბერძნულ-რომაული სტილით ჭიდაობაში საქართველოს ჩემპიონი გახდა
ჭიათურის N2 საჯარო სკოლის ნიჭიერი და შრომისმოყვარე მოსწავლეები სხვადასხვა სახის შეჯიბრსა თუ ღონისძიებაში ხშირად ერთვებიან.
როგორც სკოლაში გვიყვებიან, ისინი აქტიურად მისდევენ სპორტსა და ჯანსაღი ცხოვრების წესს და მათ წარმატებები აქვთ რესპუბლიკური მასშტაბით.
ამჯერად, სკოლაში ლუკა მიქაუტიძის მიღწევით ამაყობენ. ის ბერძნულ-რომაული სტილით ჭიდაობაში (68 კგ) U15 საქართველოს ჩემპიონი გახდა. ახალგაზრდა სპორტსმენმა ფინალში მეტოქე სუფთა გამარჯვებით დაამარცხა.
მან ღირსეულად იასპარეზა, სპორტული შესაძლებლობები წარმატებით გამოავლინა და შესაბამის შედეგსაც მიაღწია. სასკოლო საზოგადოება ლუკა მიქაუტიძეს ულოცავს და წინსვლას უსურვებს.
იხილეთ ვიდეო და ფოტოები: