ახალშენის N1 საჯარო სკოლაში საქართველოს პირველი დემოკრატიული რესპუბლიკის 100 წლის იუბილეს კვირეული მიუძღვნეს. 

სკოლის წარმომადგენლის თქმით, კვირეულის ფარგლებში სკოლაში მრავალფეროვანი ღონისძიებები ჩატარდა. 

სკოლის ბიბლიოთეკაში მკითხველთა კონფერენცია მოეწყო, რომელიც პირველი დემოკრატიული რესპუბლიკის გამოცხადებას მიეძღვნა. 

კვირეულის მსვლელობისას განსაკუთრებით თავი გამოიჩინეს მე-4, მე-5, მე-7 და მე-9 კლასის მოსწავლეებმა. 

კვირეული ისტორიის კლუბის ღონისძიებამ შეაჯამა. ისტორიის კლუბს ისტორიის პედაგოგი ფერიდე ოქრაძე ხელმძღვანელობს. 

წელს საქართველო პირველი დემოკრატიული რესპუბლიკის გამოცხადების 100 წლის იუბილეს აღნიშნავს.

100 წლის წინ, 1918 წლის 26 მაისს საქართველომ დამოუკიდებლობა  გამოაცხადა. პირველმა დემოკრატიულმა რესპუბლიკამ მხოლოდ სამ წელს იარსება და 1921 წლის 25 თებერვალს  წითელი არმიის შემოჭრის შემდეგ, არსებობა შეწყვიტა. ქვეყანამ დამოუკიდებლობა 1991 წლის 9 აპრილს, 1918 წლის დეკლარაციის საფუძველზე აღადგინა.

იხილეთ ფოტოები