ნინოწმინდის მუნიციპალიტეტის სოფელ გორელოვკის N3 საჯარო სკოლაში დიდი ყურადღება ექცევა მოსწავლეთა არაფორმალურ განათლებას. პედაგოგები მუდმივად ზრუნავენ სხვადასხვა ტიპის შემეცნებითი თუ საგანმანათლებლო ღონისძიებების საშუალებით მოსწავლეებს სწორი ღირებულებები ჩამოუყალიბონ და ღირსეულ პიროვნებებად აღზარდონ, რომლებიც დააფასებენ ადამიანებს განურჩევლად მათი სქესის, რელიგიის, ეროვნებისა და სხვა ნიშნებისა.

ამჯერად საშუალო საფეხურის მოსწავლეებისთვის ჩატარდა კონფერენცია თემაზე: ქალთა უფლებები თანამედროვე  საქართველოში.

„ღონისძიებაში მონაწილეობდნენ მე-9, მე-10 და მე-11, კლასების მოსწავლეები, მშობლები და მასწავლებლები. კონფერენციას ჰქონდა შემეცნებით-ინფორმაციული, ასევე სასწავლო აღმზრდელობითი ხასიათი. მადლობა ისტორიის მასწავლებელს - ჯიმშერ (შმაგი) კაპააძეს“, - აღნიშნულია სკოლის მიერ გავრცელებულ ინფორმაციაში.

იხილეთ ფოტოები: