ხელვაჩაურის მუნიციპალიტეტის სოფელ ჭარნალის საჯარო სკოლის დირექცია და პედაგოგები მოსწავლეებს მეტად საინტერესო და მრავალფეროვან სასკოლო ცხოვრებას სთავაზობენ.
ახლახან, ჭარნალის საჯარო სკოლის საბუნებისმეტყველო მეცნიერებათა კათედრამ ბათუმის სახელმწიფო უნივერსიტეტთან თანამშრომლობის ფარგლებში უმასპინძლა საბუნებისმეტყველო მეცნიერებათა და ჯანდაცვის ფაკულტეტის შინაგანი მედიცინის დეპარტამენტის ასოცირებულ პროფესორს - ეთერ ჯაყელს.
შეხვედრა ნაყოფიერი იყო. მოსწავლეებმა მოისმინეს ლექცია ფარმაციის არსზე, მნიშვნელობაზე, საზოგადოებისათვის ფარმაცევტის როლზე.
ძალიან საინტერესო იყო შეხვედრის პრაქტიკული ნაწილი, სადაც მოსწავლეებმა მოცემული რეცეპტის მიხედვით დაამზადეს წამლის ფორმა-ფხვნილები, რომლის დროსაც დარწმუნდნენ, რამდენად საპასუხისმგებლოა ფარმაცევტის საქმიანობა.
დაიგეგმა მოსწავლეების საპასუხო ვიზიტი ბსუ-ში.
სკოლის დირექცია მადლობას უხდის მოწვეულ სტუმარსა და ღონისძიების ორგანიზატორ მასწავლებლებს საინტერესო შეხვედრისათვის.
იხილეთ ფოტოები:
