ნინოწმინდის მუნიციპალიტეტის სოფელ დილითის საჯარო სკოლაში მოსწავლეთა ეკოცნობიერების ამაღლებას მნიშვნელოვანი ყურადღება ექცევა.
სწორედ ამიტომ, სკოლა ჩართულია ეკოსკოლის ორწლიან პროექტში - „დავიცვათ საქართველოს სისუფთავე“. ამ პროექტში მონაწილეობით, როგორც სკოლაში გვიყვებიან, მოსწავლეები გააცნობიერებენ გარემოს დაცვის წესებს, ნარჩენების შემუშავებისა და გარემოს დაბინძურებისგან თავიდან აცილების კანონებს.
პროექტის ფარგლებში, ბავშვები საინტერესო აქტივობებს ახორციელებენ, სადაც შემოქმედებით უნარებს შესანიშნავად ავლენენ. აქტივობების მეშვეობით ისინი კიდევ ერთხელ იაზრებენ თუ რამდენად მნიშვნელოვანია გარემოზე ზრუნვა და მისი მოფრთხილება.
სკოლაში ეკოსკოლის პროექტის ხელმძღვანელი გახლავთ ბუნებისმეტყველების მასწავლებელი ჯულიეტა ჟამკოჩიანი.
აღსანიშნავია, რომ სკოლაში მოსწავლეთა მრავალმხრივ განვითარებაზე აქტიურად ზრუნავენ.
იხილეთ ფოტოები:
