ჩოხატაურის მუნიციპალიტეტის სოფელ იანეულის საჯარო სკოლაში სასწავლო წელი საინტერესო და მრავალფეროვანი აქტივობებითაა გაჯერებული, რომლებშიც მოსწავლეები აქტიურად ერთვებიან.
ამჯერად, სკოლაში, საბუნებისმეტყველო და დაწყებითების კათედრის ხელმძღვანელობით π რიცხვის საერთაშორისო დღე აღინიშნა.
გაკვეთილს მასწავლებლები: ელენე სიხარულიძე და ეთერ ქარქუზაშვილი ხელმძღვანელობდნენ.
მოსწავლეებმა ამ დღის შესახებ ინფორმაციები მოიძიეს და საინტერესო პრეზენტაცია მოამზადეს. მათ ასევე აღნიშნეს თუ რას ნიშნავს π რიცხვი და რა დატვირთვა აქვს მას მათემატიკაში.
აქტივობებში ისინი დიდი მონდომებით, ინტერესითა და ხალისით მონაწილეობდნენ.
ეს დღე ინფორმაციული და სახალისო იყო თითოეული მოსწავლისთვის.
14 მარტი π რიცხვის საერთაშორისო დღეა. ეს დღესასწაული ამერიკელმა ფიზიკოსმა ლარი შოუმ შემოიღო 1987 წელს.
იხილეთ ფოტოები:
