ოტია იოსელიანის სახელობის ქალაქ წყალტუბოს N1 საჯარო სკოლა π რიცხვის საერთაშორისო დღის აღნიშვნას შეუერთდა.
ეს დღე შემეცნებითი ღონისძიებით აღინიშნა მათემატიკის კათედრაზე.
მათემატიკის კლუბის - „უსასრულობა“, წევრებმა: ბარბარე დანგაძემ და ერეკლე მეშველიანმა (მე-6გ კლასის მოსწავლეები) წარმოადგინეს საინტერესო და ინფორმაციული პრეზენტაცია.
მოსწავლეებმა, სასკოლო საზოგადოებას გააცნეს მათემატიკის საერთაშორისო დღის დაწესების ისტორია, - π რიცხვის მნიშვნელობა, მისი გამოთვლის ხერხები და ამ რიცხვის შთაგონებით შექმნილი შედევრები: მონუმენტი, მხატვრული ფილმი, მუსიკა და სხვა.
საინფორმაციო შეხვედრა შეაჯამა სკოლის დირექტორმა ფაქიზო ფანჩულიძემ, რომელმაც ხაზგასმით აღნიშნა π რიცხვის სიმბოლური კავშირი ცხოვრებასთან და მადლობა გადაუხადა მოსწავლეებსა და მასწავლებელს შინაარსობრივად საინტერესო პრეზენტაციისთვის.
აღსანიშნავია, რომ შეხვედრა კლუბის კურატორის, მათემატიკის მასწავლებლის მანანა წულაიას ხელმძღვანელობით ჩატარდა.
იხილეთ ფოტო და ვიდეომასალა:
