ქობულეთის მუნიციპალიტეტის სოფელ ჩაისუბნის N2 საჯარო სკოლაში მოსწავლეებისთვის სასწავლო პროცესის გახალისებასა და საინტერესო გაკვეთილების შეთავაზებას დიდი ყურადღება ეთმობა.
IIბ კლასი მოსწავლეები გაეცნენ პროგრამით გათვალისწინებულ საინტერესო თემას, სადაც მოთხრობილი იყო თუ როგორ ამზადებდა ბავშვი თოჯინას, შემდეგ კი, გამოთქვეს სურვილი თავადაც დაემზადებინათ
როგორც სკოლაში გვიყვებიან, აქტივობაში მშობლებიც ჩაერთნენ, თუმცა ეს არ აღმოჩნდა საკმარისი და გადაწყვიტეს საკლასო სივრცეშიც, კლასელებთან ერთად დაემზადებინათ თოჯინები.
პროცესი საინტერესოდ წარიმართა, როგორც სკოლაში აღნიშნავენ, მოსწავლეებმა განივითარეს შემოქმედებითი უნარები და ხელის ნატიფი მოტორიკა.
მეცნიერულად დამტკიცებულია, რომ ხელსაქმე ეხმარება ადამიანებს ემოციების მართვასა და რეგულაციაში - სწორედ ამ მოტივით, ქართული ენისა და ლიტერატურის მასწავლებელმა მაია აბულაძემ მოსწავლეები ჩართო აქტივობაში და მათი დიდი ინტერესი გამოიწვია.
იხილეთ ფოტოები:
