
ცაგერის მუნიციპალიტეტის სოფელ მახაშის საჯარო სკოლაში სასწავლო პროცესი მრავალფეროვანი ღონისძიებებითაა გაჯერებული, რაც მოსწავლეთა განწყობასა და მოტივაციას ამაღლებს.
აღსანიშნავია დედის დღისადმი მიძღვნილი შთამბეჭდავი ღონისძიება, რომელმაც უემოციოდ არავინ დატოვა და სასკოლო საზოგადოების დიდი მოწონება დაიმსახურა.
მრავალფეროვნად მორთულ გარემოში, საზეიმოდ გამოწყობილმა მოსწავლეებმა, საინტერესო ნომრები შეასრულეს, დედებსა და საყვარელ პედაგოგებს დღესასწაული მიულოცეს და ყოველივე საუკეთესო უსურვეს.
სრულიად სასკოლო საზოგადოებისთვის დღე ემოციებით დატვირთული, შთაბეჭდილებებით აღსავსე და დასამახსოვრებელი აღმოჩნდა.
სკოლაში გააზრებული აქვთ, თუ რამდენად მნიშვნელოვანია მოსწავლეებისთვის სასიამოვნო გარემოს შექმნა და მათ განწყობაზე ზრუნვა.
იხილეთ ფოტოები: