მესტიის მუნიციპალიტეტის სოფელ ლენჯერის N2 საჯარო სკოლაში ერთადერთი პირველკლასელია, რომლის სწავლა-განათლებასა და მოტივაციაზე განსაკუთრებულად ზრუნავენ. პედაგოგი მისი განწყობისა და მოტივაციის ამაღლებას სხვადასხვა აქტივობის მეშვეობით ახერხებს. ანბანსაც სწორედ ასეთი გამორჩეულად საინტერესო და მრავალფეროვანი აქტივობების მეშვეობით ასწავლის.
პირველკლასელი ყოველ ახალ ასო-ბგერას დიდი ხალისითა და ენთუზიაზმით სწავლობს. მისთვის ყოველი გაკვეთილი საინტერესო და დასამახსოვრებელია.
მოსწავლისთვის ასეთივე გამორჩეული და სახალისო იყო ანბანის სწავლის დასაწყისიც. გაკვეთილი მასწავლებელმა მისთვის დღესასწაულად აქცია და არაერთი სახალისო აქტივობა შესთავაზა. პირველკლასელი პირველ ასო-ბგერს ინტერესით, ენთუზიაზმითა და ხალისით გაეცნო.
მოსწავლე ასეთივე შემართებით აგრძელებს წერა-კითვის სწავლას და სულ მალე ანბანის შესწავლასაც საზეიმოდ დააგვირგვინებს.
იხილეთ ფოტოები:
