ამბროლაურის მუნიციპალიტეტის სოფელ ტოლის საჯარო სკოლაში მოსწავლეების სასკოლო ცხოვრების გახალისებასა და გამრავალფეროვნებას დიდი ყურადღება ეთმობა. 

ამჯერად, სკოლაში, პირველი და მესამე კლასების მოსწავლეთა მონაწილეობით, საინტერესო აქტივობებით გაჯერებული ღონისძიება გაიმართა, რომელიც დედის დღეს მიეძღვნა.

მოსწავლეები დიდი სიამოვნებით მონაწილეობდნენ ღონისძიებაში, მათ დედებისთვის მისალოცი ბარათები დაამზადეს, ემოციური წერილები დაწერეს და ეს დღე დიდი სიყვარულით მიულოცეს.

განსაკუთრებით ემოციური კი გახლდათ ის, რომ პატარები შეეცადნენ, დედიკოები დაეხატათ, შემდეგ კი რამდენიმე სიტყვით დაეხასიათებინათ ისინი. 

აღსანიშნავია, რომ ღონისძიებას პირველი კლასის დამრიგებელი ქეთევან ლორთქიფანიძე ხელმძღვანელობდა.

იხილეთ ფოტოები: