საქართველოს საპატრიარქოს წმიდა თამარ მეფის სახელობის გიმნაზიის პედაგოგები მოსწავლეებს მრავალმხრივი განვითარებისა და მოტივაციის ამაღლების მიზნით, საინტერესო, შემეცნებით გასვლით აქტივობებს სთავაზობენ.
ამჯერად, შემეცნებით-გასართობი აქტივობების ფარგლებში, გიმნაზიის IV ბ კლასის მოსწავლეები, დამრიგებლის - ქეთევან მოსულიშვილის ხელმძღვანელობით, ქართული ხალხური სიმღერისა და საკრავების სახელმწიფო მუზეუმში იმყოფებოდნენ.
მოზარდებმა, მუზეუმში დაცული ქართული და ამიერკავკასიის რეგიონში გავრცელებული ავთენტური, მექანიკური და კლასიკური მუსიკალური საკრავები, სახვითი და გამოყენებითი ხელოვნების ნიმუშები მოინახულეს.
მათ ასევე მოისმინეს გრამფირფიტაზე ჩაწერილი ქართული ხალხური და აღმოსავლური სიმღერები.
„კიდევ ერთი საინტერესო კლასგარეშე აქტივობა ჩაიწერა მოზარდების მეხსიერებაში“, - განმარტავენ სკოლაში.
აღსანიშნავია, რომ მსგავსი გასვლითი აქტივობები და ღონისძიებები მოსწავლეთა განწყობის ამაღლებას ხელს უწყობს, რაზეც სასკოლო საზოგადოება აქტიურად ზრუნავს.
იხილეთ ფოტოები:
