რუსთავის N23 საჯარო სკოლის მოსწავლეები ქირურგიულ ულტრათანამედროვე ტექნოლოგიებს გაეცნენ
13-03-2024
ვაჟა-ფშაველას სახელობის ქალაქ რუსთავის N23 საჯარო სკოლის დირექცია და პედაგოგები მოსწავლეთა მრავალმხრივ განვითარებასა და თვალსაწიერის გაფართოებაზე აქტიურად ზრუნავენ.
ახლახან, მოსწავლეებისთვის საინტერესო სასწავლო-შემეცნებითი ტური მოეწყო.
სკოლის მოსწავლეები სტუმრად MMT ჰოსპიტალში იმყოფებოდნენ.
მოსწავლეებმა დაათვალიერეს კლინიკაში არსებული ულტრათანამედროვე ტექნოლოგიები, შეხვდნენ პროფესორ გურამ ქარაზანაშვილს და დაესწრნენ რობოტული ქირურგიის მეთოდით შესრულებულ რადიკალურ პროსტატექტომიას.
მოსწავლეებმა ასევე დაათვალიერეს სტაციონალური და საოპერაციო ბლოკები, გაეცნენ მიკროულტრაბგერის, კომპიუტერული ტომოგრაფიისა და დისტანციური ლითოტრიფსიის აპარატების მუშაობას და მათი მუშაობების უპირატესობებს თანამედროვე მედიცინაში.
იხილეთ ფოტოები:
სკოლების სიახლეები
