ახალქალაქის მუნიციპალიტეტის სოფელ იხტილის საჯარო სკოლაში სხვადასხვა თემასთან დაკავშირებით საინტერესო და მრავალფეროვანი აქტივობები იმართება, რომლებშიც მოსწავლეები დიდი მონდომებითა და ენთუზიაზმით ერთვებიან.
ამჯერად, სკოლაში გაზაფხულის დღესასწაულები - 3 და 8 მარტი ზარ-ზეიმით აღინიშნა. ამ დღესასწაულებისადმი მიძღვნილ ღონისძიებაზე მე-5 კლასის მოსწავლეებმა, დამრიგებლის - ოლინკა ლაგზიანის ხელმძღვანელობით, ლექსები წაიკითხეს, იმღერეს, იცეკვეს და ასე მიულოცეს დამსწრე საზოგადოებას დედისა და ქალთა დღე.
აქტივობებში ბავშვები დიდი მონდომებითა და ინტერესით მონაწილეობდნენ.
ეს დღე ემოციური, დაუვიწყარი და შთამბეჭდავი იყო იქ მყოფი თითოეული ადამიანისთვის.
აღსანიშნავია, რომ მსგავსი აქტივობები მოსწავლეთა შემოქმედებითი უნარების წარმოჩენა-განვითარებას უწყობს ხელს.
იხილეთ ფოტოები:
