ოზურგეთის მუნიციპალიტეტის სოფელ ხრიალეთის საჯარო სკოლაში სასწავლო წელი სხვადასხვა ღონისძიებითა და აქტივობითაა დატვირთული.
ამჯერად, სკოლაში გაზაფხულის პირველი დღესასწაული - 3 მარტი აღინიშნა. ამ დღისადმი მიძღვნილ ღონისძიებაზე მე-3 კლასის მოსწავლეებმა, დამრიგებელ ლიანა ბურჯანაძის ხელმძღვანელობით, იცეკვეს, იმღერეს, ლექსები წაიკითხეს და შესაძლებლობები წარმოაჩინეს.
ლამაზ ფორმებში გამოწყობილმა ბავშვებმა საყვარელი დედები თბილი, სიყვარულით აღსავსე სიტყვებით დაახასიათეს და ასე მიულოცეს მათ 3 მარტი.
აქტივობებში ისინი დიდი ინტერესით იყვნენ ჩართულნი.
„საუკეთესო დამრიგებლის საუკეთესო ბავშვები! წარმატებები თქვენ“, - ასე აფასებენ სკოლაში აღნიშნულ კლასს.
მსგავსი აქტივობები და ღონისძიებები მოსწავლეთა შემოქმედებითი უნარების წარმოჩენა-განვითარებას ხელს უწყობს.
იხილეთ ვიდეო:
