თბილისის N12 საჯარო სკოლაში მოსწავლეთა წიგნიერების დონის ამაღლება ერთ-ერთი პრიორიტეტული საკითხია. პედაგოგები მოსწავლეებს წიგნის სიყვარულს დაწყებითი კლასებიდანვე უნერგავენ და კითხვის კულტურას ასწავლიან.
5 მარტს, დაწყებითი კლასის მასწავლებლის ინიციატივით, სკოლაში მწერალი გიორგი კეკელიძე მიიწვიეს.
IIბ კლასის მოსწავლეებმა შექმნეს მკითხველთა კლუბი, წაიკითხეს - „თომას ზღაპრები“, წარმოადგინეს ჯადოსნური ქალაქის პროექტი - „მზისხივეთი“.
შედგა პატარების ინტერვიუ მწერალთან, მან მეგობრული ავტოგრაფები დაუტოვა მე-2 კლასელებს.
ბოლოს კი შეხვედრის ინიციატორმა, თამუნა მასწავლებელმა, მწერალსა და მოწვეულ სტუმრებს სამახსოვრო საჩუქრები გადასცა.
„ეს დღე დაუვიწყარი იქნება ჩვენი პატარებისთვის“,- აღნიშნავენ სკოლაში და წიგნის კითხვის პოპულარიზაციის მიზნით კიდევ არაერთ საინტერესო ღონისძიებას გეგმავენ.
იხილეთ ფოტოები:
