
ოზურგეთის მუნიციპალიტეტის სოფელ თხინვალის საჯარო სკოლაში ქალთა საერთაშორისო დღე საინტერესოდ აღინიშნა.
სკოლის ქიმია-ბიოლოგიის პედაგოგმა - ქეთევან ჟღენტმა, სარვამარტო კვირეულის ფარგლებში, განახორციელა სასწავლო პროექტი - „მეცნიერებასა და ტექნოლოგიებში განსაკუთრებული ღვაწლის მქონე ქალბატონების შესახებ“.
მოსწავლეებმა წარმოადგინეს აღნიშნულ საკითხთან დაკავშირებით პრეზენტაცია, გაიხსენეს საერთაშორისო დღესასწაულის დაფუძნების ისტორია, იმსჯელეს და აღნიშნეს, რომ 21-ე საუკუნის მსოფლიოში ქალთა უფლებების დაცვა კვლავ მწვავე პრობლემად რჩება.
პროექტი მოსწავლეებისთვის მეტად საინტერესო და შემეცნებითი აღმოჩნდა.