წყალტუბოს მუნიციპალიტეტის სოფელ მაღლაკის N1 საჯარო სკოლის მოსწავლეებისთვის გასვლითი, სასწავლო-შემეცნებითი აქტივობა მოეწყო.
მე-9 და მე-10 კლასის მოსწავლეებმა დაათვალიერეს აკაკი წერეთლის სახელმწიფო უნივერსიტეტის, გიორგი კოკოჩაშვილის სახელობის ზოოლოგიის მუზეუმი, რომლიც 90 წლის ისტორიას ითვლის.
მოსწავლეებს მუზეუმში არსებულ ექსპონანტებზე ესაუბრა მუზეუმის თანამშრომელი თამარ ჭეიშვილი, რომელმაც მოსწავლეებს გააცნო მუზეუმის დაარსებისა და განვითარების ისტორია, ასევე აღნიშნა, რომ მსგავსი მუზეუმი დასავლეთ საქართველოში არ არსებობს.
აღსანიშნავია, რომ მუზეუმში დაცული თითოეული ექსპონატი ნამდვილი და უნიკალურია, რამაც მოსწავლეებზე დიდი შთაბეჭდილება მოხდინა.
დასასრულს მოსწავლეებმა მადლობა გადაუხადეს მასპინძლებს, ექსკურსიამძღოლს და ემოციები შთაბეჭდილებების წიგნში დატოვეს.
