საქართველოს საპატრიარქოს წმიდა თამარ მეფის სახელობის გიმნაზიის პირველკლასელები თეატრს ესტუმრნენ
12-03-2024
საქართველოს საპატრიარქოს წმიდა თამარ მეფის სახელობის გიმნაზიაში მოსწავლეთა თვალსაწიერის გაფართოებას, ხელოვნებისადმი დამოკიდებულების ფორმირებას მნიშვნელოვანი ყურადღება ექცევა.
ახლახან, კლასგარეშე აქტივობების ფარგლებში, თამარ მეფის სახელობის გიმნაზიის Iბ კლასის (დამრიგებელი ლია შარიქაძე) და Iგ კლასის (დამრიგებელი ნარგიზა შელია) მოსწავლეები იმყოფებოდნენ თეატრში - „მეორე სახლი“. პირველკლასელებმა სპექტაკლი „მაუგლი“ ნახეს.
მოსწავლეებმა იხილეს სცენაზე გაცოცხლებული საყვარელი მულტფილმის გმირები და ემოციებით დატვირთულები დაბრუნდნენ გიმნაზიაში.
„გიმნაზია მუდმივად ზრუნავს ყველა კლასის სასწავლო, შემეცნებითი თუ გასართობი აქტივობების განხორციელებაზე“,- აღნიშნავენ სკოლაში.
იხილეთ ფოტოები:
სკოლების სიახლეები
