ადიგენის მუნიციპალიტეტის სოფელ ბენარის საჯარო სკოლაში დიდი ყურადღება ეთმობა თანამოაზრე სკოლებთან თანამშრომლობასა და გამოცდილების გაზიარებას.
ახლახან, ბენარის საჯარო სკოლის მე-8 და მე-9 კლასის მოსწავლეები გასვლითი ღონისძიებით, ბოლაჯურის საჯარო სკოლას სტუმრობდნენ.
ვიზიტი გეოგრაფიისა და სამოქალაქო განათლების მასწავლებლის - სვეტლანა ბოჩიკაშვილის ინიციატივით, მოეწყო და მასში მოსწავლეები დიდი ინტერესით ჩაერთნენ.
მოსწავლეებმა: შალვა მსხვილიძემ, თამარ ველიჯანაშვილმა, ნანა ბოჭორიშვილმა და ნინო მაჭარაშვილმა მასპინძელი სკოლის მოსწავლეებს, პრეზენტაციები: „ძალადობა ოჯახში“ და „ნაადრევი ქორწინება“, წარუდგინეს.
როგორც სკოლაში გვიყვებიან, შეხვედრა ინტერაქტიულ რეჟიმში წარიმართა. აღსანიშნავია, რომ ინიციატივის მიზანია, სკოლებს შორის თანამშრომლობითი ურთიერთობების გამყარება და ცოდნის გაზიარება.
სკოლაში მასპინძელ სკოლას მადლობას უხდიან თანამშრომლობისათვის.
იხილეთ ფოტოები:
