
ლუდოვიკო ჭანტურიას სახელობის წალენჯიხის მუნიციპალიტეტის ქალაქ ჯვარის N1 საჯარო სკოლაში, პროექტებით სწავლებასა და მოსწავლეებისთვის სასწავლო პროცესის გამრავალფეროვნებას დიდი ყურადღება ეთმობა.
ახლახან, სკოლაში განხორციელდა პროექტი - „გაზაფხულის ფერები“, რომლის ფარგლებშიც, საინტერესო ღონისძიება მოეწყო.
ღონისძიების თემა - „მარტს სიხარული შემოაქვს სულში“, გახლდათ და ის დატვირთული იყო აქტივობებით, რომლებზეც მოსწავლეებმა დიდი მონდომებითა და ხალისით იმუშავეს.
აღსანიშნავია, რომ ღონისძიებაში მე-8 - მე-12 კლასების მოსწავლეები მონაწილეობდნენ.
დღე საკმაოდ ინფორმაციული, ინტერაქტიული, სახალისო და დასამახსოვრებელი აღმოჩნდა.
იხილეთ ფოტო და ვიდეომასალა: