ალექსანდრე ლილუაშვილის სახელობის ვანის მუნიციპალიტეტის სოფელ შუაგორას საჯარო სკოლაში ქალთა საერთაშორისო დღეს შემეცნებითი ხასიათის კონფერენცია მიეძღვნა. 

როგორც სკოლაში აღნიშნავენ, კონფერენცია სწორედ იმ მანდილოსნებს მიეძღვნა, რომლებმაც შეზღუდვების, დოგმატებისა და აკრძალვების მიუხედავად, მოახერხეს და ახალი ერა დაიწყეს პოლიტიკის, მეცნიერების დარგებსა თუ სპორტის ამა თუ იმ სახეობაში.

მოსწავლეები კონფერენციაზე საინტერესო მოხსენებით წარდგნენ. მათი პრეზენტაციის საკითხები შემდეგია:

დიდებული მეფე თამარი - ნიკა მეფარიძე (ხელმძღვანელი ქეთევან ტოფაძე);
მარია კიური - თამთა ნაფეტვარიძე (ხელმძღვანელი მაკა ბელთაძე);
ინდირა განდი - გიორგი ჩუბინიძე (ხელმძღვანელი ლაშა დვალიშვილი);
ემილ დიკენსონი - თამთა ნაფეტვარიძე (ხელმძღვანელიი ქეთევან ტოფაძე);
ლინ მარგულისი - თაკო ნიკოლეიშვილი (ხელმძღვანელი  ქეთო ჟვანია);
დედა ტერეზა, მარგარეტ ტეტჩერი - ბარბარე მამასახლისი (ხელმძღვანელი ქეტევან ტოფაძე);  
ვერა ფაღავა- ანი ჭულუხაძე (ხეელმძღვალი ენძელა რევიშვილი);
ნონა გაფრინდაშვილი - ნინი გოგორიშვილი (ხელმძღვანელი ნანა ლომინაძე);
მარინა ვიაზოვსკა - ნინი მეფარიშვილი (ხელმძღვანელი თამილა ხარაბაძე);
ირმა ხეცურიანი - სალომე ვაშაყმაძე (ხელმძღვანელი ხატია სანიკიანი);
ბენეზივ ბჰუტო - შოთიკო ძაგნიძე, ნინი მეფარიშვილი, მათე მამასახლისი (ხელმძღვანელი ლაშა დვალიშვილი).

„ქალთა დღესასწაულის გაზაფხულთან და მარტთან დაკავშირება შემთხვევითი არ უნდა იყოს-გაზაფხულს ხომ უცნაური და დამათრობელი სურნელი მოაქვს, ნაყოფიერი მიწის სურნელი, დიონისური რიტუალი, მითოსური არქეტიპი... მკვდრეთით აღდგომა და აღორძინებაც ხომ გაზაფხულს უკავშირდება...

ქალის არსებაში კი ერთად შენივთულა მიწიერიც და ღვთაებრივიც, განახლებაც და აღორძინებაც, სიცოცხლის შექმნაც და სიცოცხლით ტკბობაც...ძალაც, სილამაზეც, ფერადოვნებაც... ქალის როლი, მისია და დანიშნულება მის მიერ განხორციელებულ საქმეებში ცხადდება..სუსტ სქესად მონათლულმა არსებამ შეძლო თავისი დიდი წვლილი შეეტანა კაცობრიობის განვითარების ისტორიაში...“, - ამ სიტყვებით დასრულდა ღონისძიება, რომელმაც სასკოლო საზოგადოების დიდი მოწონება დაიმსახურა. 

იხილეთ ფოტოები: