„დედავ, სიცოცხლის დიდო საწყისო“- ცინარეთის საჯარო სკოლაში ლამაზი ღონისძიება გაიმართა
07-03-2024
შუახევის მუნიციპალიტეტის სოფელ ცინარეთის საჯარო სკოლაში სასწავლო პროცესი მრავალფეროვანი ღონისძიებებითაა დატვირთული. ამჯერად კი, მორიგი საინტერესო აქტივობა გაიმართა.
შიდასასკოლო ღონისძიებაში - „დედავ, სიცოცხლის დიდო საწყისო“, თითოეული მოსწავლე უდიდესი მონდომებით, ინტერესით, ხალისითა და სიყვარულით ჩაერთო. მათ სხვადასხვა ნომერი შეასრულეს - იმღერეს, იცეკვეს და ლექსები წაიკითხეს.
მოსწავლეებმა შესაძლებლობები გამოავლინეს, გაზაფხულის დღესასწაულები ყველას მიულოცეს და დრო ნაყოფიერად გაატარეს. აღსანიშნავია, რომ ღონისძიების ხელმძღვანელი პედაგოგი ჯემალ დიასამიძე იყო.
„ყველა ქალბატონს გილოცავთ გაზაფხულის ბრწყინვალე დღესასწაულებს - 3 და 8 მარტს, დაესწარით მრავალს, ჯანმრთელად და ბედნიერად“,- ამბობენ სკოლაში.
იხილეთ ფოტოები:
სკოლების სიახლეები
