ყვარლის მუნიციპალიტეტის სოფელ ზინობიანის საჯარო სკოლაში მოსწავლეთა განვითარებასა და მოტივირებაზე ორიენტირებული გარემოა შექმნილი.

ამ მიზნით კი, არაერთი საინტერესო აქტივობა იმართება. ამჯერად კი, მოსწავლეთა მონაწილეობით, სოფლის მიდამოებში ლაშქრობა მოეწყო. მის ფარგლებში, მოსწავლეებმა უამრავი ია შეაგროვეს და ულამაზესი თაიგულები შეკრეს. 

აღნიშნული ყვავილებით მათ ქალთა საერთაშორისო დღე საყვარელ პედაგოგებსა და მშობლებს მიულოცეს, რითაც მათი გულები გაახარეს. 

გასვლითი აქტივობა მოსწავლეებისთვის საინტერესო გამოცდილება იყო, მათ დრო ნაყოფიერად გაატარეს, ერთმანეთს მეტად დაუახლოვდნენ და სასიამოვნო მოგონებები დააგროვეს. 

იხილეთ ფოტოები: