ხულოს მუნიციპალიტეტის სოფელ ძირკვაძეების საჯარო სკოლის მრავალმხრივ ნიჭიერ და შემოქმედებითი უნარებით დაჯილდოებულ მოსწავლეთა შორისაა სანდრო შავაძე. 

სანდრო თავისი კრეატიული აზროვნებით და ინდივიდუალური, მხატვრული ხედვით, სასკოლო საზოგადოებას შთამბეჭდავი ნამუშევრებით ხშირად ანებივრებს. 

ამჯერად, სანდროს ისტორიის გაკვეთილზე, ვარძიის შესწავლისას დაებადა იდეა გაეკეთებინა მაკეტი, რომელიც წარმოადგენდა საქართველოს ერთ-ერთ მნიშვნელოვან ისტორიულ ძეგლს. 

სკოლაში, პატარა შემოქმედს კომპლიმენტებით ანებივრებენ და მას წარმატებას უსურვებენ. 

„მის ნამუშევრებს უთუოდ დაამშვენებს ვარძიის ულამაზესი ხედი. გვინდა წარმატებები ვუსურვოთ ამ უნიჭიერეს, კირკიმალა, ხელგარჯილ და ცნობისმოყვარე ბიჭს. მან კიდევ ერთი ნაკეთობით შეძლო ჩვენი გაოცება“, - აღნიშნავენ სკოლაში.