ქობულეთის მუნიციპალიტეტის სოფელ ჩაისუბნის N2 საჯარო სკოლაში პედაგოგთა ხელმძღვანელობითა და მოსწავლეთა აქტიური ჩართულობით საინტერესო აქტივობები იმართება.
ამჯერად, სკოლის მასწავლებელმა - თამილა დუმბაძემ სადამრიგებლო VII კლასში დედის დღისადმი მიძღვნილი ღონისძიება ჩაატარა. აღნიშნულ ღონისძიებაში მოსწავლეები დიდი ხალისით, ინტერესითა და ენთუზიაზმით მონაწილეობდნენ.
მოსწავლეებმა ამ დღის მნიშვნელობაზე ინფორმაციები მოიძიეს. ისინი ასევე გაეცნენ სხვადასხვა საინტერესო ფაქტებს, ტრადიციებს, ლეგენდებს, იმის შესახებ თუ როგორ აღნიშნავენ ქვეყნები ამ დღესასწაულს.
ღონისძიებაზე მათ დედებს ლექსები მიუძღვნეს და მისალოცი ბარათები დაამზადეს. ეს ყოველივე, როგორც სკოლაში აღნიშნავენ, ძალიან სასიამოვნო და დასაფასებელია.
ეს დღე იქ მყოფი თითოეული ადამიანისთვის ემოციური და დასამახსოვრებელი იყო.
„დედის დღეს ყველა ქვეყანაში თავისი ისტორია და ტრადიციები გააჩნია, თუმცა საერთო არის ის, რომ დედას ყველგან პატივს სცემენ და ულოცავენ კიდეც ამ დღეს ერთნაირად - ლექსებით, მისალოცი ბარათებით და საჩუქრებით“, - აღნიშნავენ სკოლაში.
მსგავსი აქტივობები და ღონისძიებები მოსწავლეთა შემოქმედებითი უნარების წარმოჩენა-განვითარებას ხელს უწყობს.
იხილეთ ფოტოები:
