საგანმანათლებლო რესურსცენტრების ტიპური დებულების დამტკიცების შესახებ საქართველოს განათლებისა და მეცნიერების მინისტრის ბრძანებაში ცვლილება შევიდა, რომლის მიხედვითაც, რესურსცენტრი ვალდებულია, სამინისტროს შეატყობინოს, თუ გაჩნდება საჯარო სკოლის დირექტორის ან მოვალეობის შემსრულებლის უფლებამოსილების შეწყვეტის საფუძველი:
„(რესურსცენტრი) ვალდებულია საჯარო სკოლის დირექტორის/დირექტორის მოვალეობის შემსრულებლის უფლებამოსილების შეწყვეტის საფუძვლის წარმოშობის შემთხვევაში, აღნიშნული ინფორმაცია გონივრულ ვადაში წარუდგინოს სამინისტროს ელექტრონული დოკუმენტბრუნვის სისტემის მეშვეობით, საჯარო სკოლის დირექტორის/დირექტორის მოვალეობის შემსრულებლის უფლებამოსილების შეწყვეტის მიზნით“, - ნათქვამია დოკუმენტში რომელიც უკვე ძალაშია და რომელსაც ხელს განათლების მინისტრი, გიორგი ამილახვარი აწერს.
