„მადლობა შენდა, დიდო იაკობ“ - ქვემო ხანდაკის საჯარო სკოლის პირველკლასელებმა სასწავლო წელი ღონისძიებით დაასრულეს
25-05-2023
კასპის მუნიციპალიტეტის სოფელ ქვემო ხანდაკის საჯარო სკოლის პირველკლასელებმა სასწავლო წელი წარმატებით დაასრულეს.
პატარებმა „ცოდნის ტაძაში“ გატარებული პირველი წელი ღონისძიებით - „მადლობა შენდა, დიდო იაკობ“ შეაჯამეს.
მოსწავლეებმა, ღონისძიებაზე ცოდნა და შემოქმედებითი უნარები შესანიშნავად წარმოაჩინეს. „33 მზის სხივი - ჩვენი ანბანი“ - ასე გავაცილეთ“, - აღნიშნავენ სკოლაში.
პატარები არდადეგებზე მე-4 კლასელებმა გააცილეს, რომლებიც, წელს 1-ელ მასწავლებელს დიდი სიყვარულით ემშვიდობებიან.
ღონისძიება საინტერესო და დასამახსოვრებელი იყო.
„წარმატებები ჩემო ბარტყებო ცხოვრების ყველა საფეხურზე“, - აღნიშნავს მოსწავლეთა პედაგოგი ლალი მურადაშვილი, რომელიც მოსწავლეებს ახალ სასწავლო წლამდე დიდი სიყვარულით გამოემშვიდობა.
იხილეთ ფოტოები:
სკოლების სიახლეები
