Izrune.ge-ს წარმატებული „ვარსკვლავების“ ტრადიციული შეხვედრა-დაჯილდოება ბათუმის შემდეგ, ამჯერად თბილისში, კვირას, 8 თებერვალს გაიმართება.
წარმატებულ „იზრუნელებს“ პერსონალური დიპლომები გადაეცემათ. დიპლომებით და სიგელებით დაჯილდოვდებიან „ეტალონის“ ოლიმპიადების ლიდერი „იზრუნელები“, სპეციალური დიპლომები გადაეცემათ გამორჩეულ მოსწავლეთა კლასის დამრიგებლებსაც.
განსაკუთრებით აქტიურ იზრუნელებს ყველაზე მზრუნველი პროექტისგან სპეციალური საჩუქრები ელით.
საგანმანათლებლო პროექტი Izrune.ge წლებია, ურყევად დგას მომავალი თაობების წიგნიერებისა და განათლების სადარაჯოზე და ამჯერადაც დიდი სიყვარულით ელის ცოდნას მოწყურებულ მოსწავლეებს.
ღონისძიებას პროექტის ავტორი, გოჩა ტყეშელაშვილი გაუძღვება, რომელიც პირადად გადასცემს „იზრუნელებს“ პერსონალურ დიპლომებს და ტრადიციულად, გულშემატკივართა მოსაზრებებსაც მოისმენს.
ყველაზე მზრუნველი პორტალი კვლავ აერთიანებს სკოლას, მოსწავლეებს და მშობლებს ერთი მთავარი მიზნის ირგვლივ. Izrune.ge-მ ათიათასობით თანამოაზრე შემოიკრიბა და მრავალფეროვანი, განვითარებაზე ორიენტირებული საგნობრივი და შემეცნებითი ტესტების საშუალებით, ერთგულ იზრუნელებს წარმატების მწვერვალების დაპყრობაში კვლავაც დაუღალავად ეხმარება.