
ნინოწმინდის მუნიციპალიტეტის სოფელ თორიის საჯარო სკოლის დირექტორ სერგეი პეტროსიანისთვის სკოლის წარმატება მხოლოდ აკადემიური მიღწევებით არ იზომება- გაცილებით მნიშვნელოვანია, თუ როგორი მოქალაქეები ყალიბდებიან სკოლაში.
„ძალა ერთობაშია“ - აღნიშნავს ხელმძღვანელი და ხაზს უსვამს კოლექტივის თანადგომის მნიშვნელობას. მისი თქმით, მხოლოდ ერთიან გუნდს შეუძლია სირთულეების გადალახვა და წარმატებების მიღწევა. ხელმძღვანელის ასეთი მიდგომებით კი იზრდება ნდობა სკოლისადმი.
სხვადასხვა საინტერესო საკითხზე etaloni.ge-ს ბლიც-კითხვებს თორიის საჯარო სკოლის დირექტორი სერგეი პეტროსიანი პასუხობს.
- მოსწავლის განვითარებისთვის მნიშვნელოვანია, რომ სკოლაში იყოს...
- ფსიქოლოგიურად უსაფრთხო გარემო, პიროვნული და სოციალური განვითარება.
- სკოლის წარმატება იზომება იმით, თუ...
- როგორი მოქალაქეები ჩამოყალიბდებიან მოსწავლეები და როგორ ზრუნავენ თავიანთი სამშობლოს ნათელი მომავლისთვის.
- კოლექტივის თანადგომა საჭიროა, რადგან...
- „ძალა ერთობაშია“ ერთად შეგვიძლია მეტი პრობლემის მოგვარება და წარმატებების მიღწევა.
- სკოლაში ყველაზე ფასეული ჩემთვის არის...
- მასაწავლებლებსა და მოსწავლეებს შორის ურთერთპატივისცემა
- როდესაც ვხედავ, რომ მოსწავლე მოტივირებულია, ვგრძნობ რომ...
- მას შინაგანი სურვილი აქვს. ისწავლოს და მიაღწიოს წარმატებას, მიუხედავად გარე ჯილდოებისა, რაც ძალიან მახარებს.
- რთულ სიტუაციებში სამართლიანობის შენარჩუნება ნიშნავს...
- რომ არ დაირღვეს უფლებები, მაგრამ გაიმარჯვოს სიმართლემ.
- მომავალში ვისურვებდი, რომ ჩვენი სკოლა იყოს ადგილი, სადაც...
- ბავშვები ისწავლიან არა მხოლოდ აკადემიურ საგნებს, არამედ ემპათიას, გუნდურ მუშაობას და პრობლემის გადაჭრას.