სკოლა-გიმნაზიის ბიბლიოთეკაში გაიმართა საგანმანათლებლო შეხვედრა თბილისის სასულიერო აკადემიის ბიბლეისტიკის კათედრის ხელმძღვანელთან, ისტორიისა და თეოლოგიის დოქტორთან, დეკანოზ გიორგი გუგუშვილთან.
მოწვეულმა სტუმარმა წაიკითხა ლექცია თემაზე: „წმინდა წერილის წიგნთა ქართული თარგმანები და რედაქციები“. შეხვედრას ესწრებოდნენ გიმნაზიის მოსწავლეები, პედაგოგები და ადმინისტრაციის წარმომადგენლები.
ლექციის განმავლობაში დეკანოზმა გიორგი გუგუშვილმა დეტალურად ისაუბრა, თუ როგორ და როდის მოხდა ბიბლიური წიგნების ქართულად თარგმნა, რა როლი ითამაშეს სხვადასხვა ეპოქაში მოღვაწე ქართველი ღვთისმეტყველები და მთარგმნელები და რა ტენდენციებია ბიბლეისტიკაში დღევანდელობაში. მან განსაკუთრებული ყურადღება გაამახვილა ქართული თარგმანების სიზუსტესა და ღირებულებაზე, რაც ჩვენს კულტურულ და სულიერ მემკვიდრეობაში ერთ-ერთ უმნიშვნელოვანეს ფენომენად მიიჩნევა.
მოსწავლეებმა შეხვედრის დასრულების შემდეგ დასვეს საინტერესო შეკითხვები, რომლებზეც დეკანოზმა ვრცლად და ამომწურავად უპასუხა. შეკითხვები შეეხებოდა როგორც წმინდა წერილის შინაარსობრივ საკითხებს, ასევე ბიბლიური ტექსტების პრაქტიკულ გაგებასა და ყოველდღიურ ცხოვრებაში მათი როლის გააზრებას.
ლექციის დასრულების შემდეგ დეკანოზმა გიორგი გუგუშვილმა უპასუხა აუდიტორიის შეკითხვებს და მსურველებთან ერთად სამახსოვრო ფოტოსესიაში მიიღო მონაწილეობა.
იხილეთ ფოტოები:
